Брент ва АИ-80 нархлари ўртасида боғлиқлик йўқ
АИ-80 бензин нархлари ошишини оқлаш учун ўзбек масъуллари ишлатадиган
"Брент нархи ошаяпти" далили бутунлай сохта ва ҳеч қандай танқидга жавоб бера олмайди.
Биринчидан, АИ-80 бензини ишлаб чиқариш учун бир грамм ҳам Брент типидаги нефть ишлатилмайди. Нафақат Брент типидаги нефть, умуман импорт нефть ишлатилмайди.
Иккинчидан, АИ-80 бензини ишлаб чиқариш учун ишлатиладиган Ўзбекистонда қазиб олинадиган нефтнинг умумқабул қилинган маркаси мавжуд эмас. Шимолий денгизда қазиб олинадиган ва энг олий нав ҳисобланадиган Брент типидаги нефтдан фарқли ўлароқ Ўзбекистон нефти оғир ва таркибида олтингугурт миқдори жуда юқори ҳисобланади. Солиштириш учун энг яқини деб ҳисобласак, масалан, Turkmen blend нави Брентга нисбатан 20 фоизгача дисконт билан сотилади. Бошқача айтганда, АИ-80 бензини 82 доларлик Брент типидаги нефтдан эмас, нари борса бозор нархи 65 долларлик ўзбек нефтидан ишлаб чиқарилади. Лекин айтиб ўтиш керак, ўзбек нефтининг бозор нархи ўзи йўқ, чунки унинг қазиб олувчи ҳам, ишлаб чиқарувчиси ҳам, улгуржи ва чакана сотувчиси ҳам битта. Ўзбек нефтини учинчи шахслар сотиб олмайди.
Учинчидан, АИ-80 бензинини Брентга боғлаш ноўринлигини Ўзбекнефтегазнинг ўзи амалий ҳаракатлари билан аллақачон исботлаб бўлган. 2020 йил апрель-июнь ойларида нефть нархи йил бошидан ҳисоблаганда 3 баробаргача арзонлаган шароитда АИ-80 қанчага арзонлагани
эсингиздами? Нефть арзонлаганда арзонлашмайдиган, нефть қимматлашса қимматлашадиган АИ-80ни Брентга боғлаш мумкинми?
Йўқ, йўқ ва яна йўқ.
Бу эртакларга Парткомнинг Александр Македонский бош чаноқлари тўғрисида маърузасини эшитаётган колхозчилар ишониши мумкин.
Ўзбекистонда ҳозир колхозчилар қолмаган.
@the_bakiroo